„Ünnerscheede“

Anzeige
Wochenblatt-Kolumnist Sonny Holst

Plattdeutsche-Kolumne von Sonny Holst beschäftigt sich mit den Unterschieden der Geschlechter

Siet Adam un Eva weet wi, dat Froonslüüd un Mannslüüd nich liek sünd. De Anatomie is an männicheen Steeden heel anners. So tum Bispill hebbt de Pullower vun Froonslüüd vörn twei Bulen, de Kerls hebbt dor nix vörtowiesen. Annerletzt seet ick bi’n Kröger an de Thek, wull komodig een Beer drinken. Bilöpig kreeg ick mit, as een Kerl to een Annern seggen de „ Mannslüüd köönt mehr af as Froonslüüd“ „ Ach wat,“ sä de Anner „ Brigitte süppt uns beiden ünnern Disch“. Dor is also keen Ünnerscheed fasttostelln, meen ick. Wat ‘n Ooltwiebersommer is weet wi. Von’n Ooltmännersommer heff ick noch ni nich wat hört. Bi Mannslüüd snackt man över den drütten odder veerten Frühling, bi Froons is dat nich nödig, de sünd mehrstendeels jümmer propper (Dat is een Kompliment vun mi) De Striet, wokeen nu beter Auto föhren kann, ward woll ninich een End finnen. Up uns düütschen Autobahnen, wo je alle dree Kilometer een Bustell is un wo man denn je ook mit Fohrbahnverengungen reken mütt, belevt man öftins, dat Froons sick nich truut up düsse smallen Sporen to fohren al gonnich to överhalen. Lever blievt se achtern Laster trüüch. Se föhlt sick inkielt twischen Planken un Laster. Woans kann dat liggen? Friedrich Schiller hett in sien Wallensteinprolog seggt : „Im engen Kreis verengt sich der Sinn“. Dat ward’t wiss sien. Wokeen maakt de mersten Unfäll? Dor will ick mi man gonnich över utlaten, sünst is mien Kompliment nix mehr wert. Froonslüüd fohrt vörsichtiger. Mach je sien? Mannslüüd wast’n Boort, Fruunslüüd nich. Wat kann dat för Grünnen hebben? Dat mütt, politische Grünnen.hebben. Kiek di doch mal uns Politiker an. De mit Boort sünd nich recht na baben kamem, graad Kurt Beck, Wolfgang Thierse. Nu is je wedder eener ohne Boort, Norbert Lammert an de Reeg. Hest du mal een Bundeskanzler odder Bundespräsidenten mit’n Boort seihn?. Kannst di dreihen, as du wist, Mannslüüd, de politisch na baben kamen sünd, heet Joachim Gauck, Seehofer, Wowereit. Olaf Scholz. Thorsten Albig usw. Graad so is dat bi de Wirtschaftsbosse, Schremp, Joop, Fielmann all ohn Boort. Kottüm,--mit Boort is slecht regieren. Marks Müüs? Ok de boortlosen Fruuns hebbt dordörch de besten Utsichten politisch un gesellschaftlich an de Macht to kamen un to blieven. Fru Merkel, Fru Aigner, Ursula von der Leyen, Kristina Schröder, Fru Krafft. Bruuks je blots mal up uns Regierungsbank to kieken. Foonsminschen ward jümmers mehr. Wo ick je rein gonnix gegen heff, mi is de holde Weiblichkeit lever, wiel man blots mit Froons so schön flirten kann! Mannslüüd fallt öftins ut Bett. Un worüm? Dat vertell ick een annermal! Sonny!
Anzeige
Anzeige
Schon dabei? Hier anmelden!
Schreiben Sie einen Kommentar zum Beitrag:
Spam und Eigenwerbung sind nicht gestattet.
Mehr dazu in unserem Verhaltenskodex.
Anzeige
Anzeige